.jpeg)
အသံတွေ အသံတွေ
ဟုတ်သည် . . .
ငါ့ခန္ဒာကိုယ် နဲ့ စိတ်တွေကို
ခြောက်လှန့်နေတာ ဒီအသံ
ခြောက်ခြားနေသည့် ငါ့စိတ် ၊
တည်ငြိမ်ဖို့ ကိုယ့်တွင်းကိုတူးနေသည်။
ခရမ်းရောင် အပြုံးတွေရဲ့နောက်
ငြင်းသွဲ့လေပြေ ရှိုက်ဖိုတဲ့
အလွှာနှစ်ခုကြားက ထွက်လာသည့်
အသံတွေ အသံတွေ
ကဗျာဆန် ကာရံတွေနှင့်
ငါ့စိတ်တွေစည်းချက်ညီညီ
Rhythm မှန်/မမှန် က နေလားမသိပါ။
ဟုတ်သည် . .
ဒြပ်မဲ့တစ်ခုဆီက ထွက်လာမည့်
အသံ . .
ပျော်ရွင်ခြင်းလား ၊ ဝမ်းနည်းခြင်းလားမသိ
အဆုံးသတ်က ဒီဒြပ်မဲ့က
အဆိပ်တွေကို သယ်ဆောင်လာသည်ကို
ငါ အပြုံးမပျက် စောင့်မျှော်နေသည်။
ဟုတ်သည် . .နောက်ဆုံးတော့
ငါ . . ကိုယ့်တွင်းကိုတူးနေသည်
ငါ . . Rhythm မှန်/မမှန် ကနေသည်
ငါ . . အဆိပ်တွေကို သောက်နေသည်
သေချာပြီ . .
ငါသောက်ရင်း ရူးသွားပြီးထင်သည် .. ။
#တစ်ချိန်ကကျွန်တော်
No comments:
Post a Comment