ကျွန်တော် နေမကောင်းဘူး အမေ
မိုးပေါက်ကျသံတွေက ကျွန်တော့် နှလုံးသားကို
တစစ်စစ် နာတယ် အမေ ။
ကျွန်တော် နေမကောင်းဘူး အမေ
သကြားဗူးပေါ်က ပုရွက်ဆိတ်တွေက
သားကို .. ရယ်နေကြတယ် အမေ .. ။
ကျွန်တော် နေမကောင်းဘူး အမေ
လိပ်နင်ဂျာ တစ်ကောင်က ခပ်ရွဲ့ရွဲ့ပြုံး
ရင်၀ကို ဆူးနဲ့ အကြိမ်ကြိမ်ထိုးတယ် အမေ .. ။
ကျွန်တော် နေမကောင်းဘူး အမေ
ယူကရိန်း နှင့် ရုရှား စစ်ပွဲတွေရပ်ပြီလား
အစ္စရေး နဲ့ အီရန်ကော တည့်သွားကြပြီလား
မြန်မာပြည်ကြီး နေပြန်ကောင်းပြီလား
သားကြောက်တယ် အမေ ..
သိခြင်းတွေက တံခါးပေါက်ထိပ် ပိတ်ရပ်နေကြတယ်
မသိခြင်းတွေက နှုတ်ဆက်ထွက်ခွာသွားကြတယ် .. အမေ။
တစ်ချိန်ကကျွန်တော်
No comments:
Post a Comment