~ ပျော်ဝင်ခြင်း ည ~

 နေရီငြိမ်း နဲ့ ကျွန်တော် 

ခရု ခွံထဲ ပြိုင်ဝင်တိုးမိတဲ့ ည ။ 

လမင်းကို မြိန်ယှက်စွာ စားသုံးတဲ့ 

ဝံပုလွေ ၂ ကောင်၏ သမိုင်းသစ်ပွဲ  

မျော်လည်းမျော် ... သွားရည်လည်း တမျှမျှ  

အမျှဝေရင်တောင် မကျွတ်မယ့် 

ကာလ အမှား တစ်ခုမှာ 

ငါတို့က နိဗ္ဗာန်မှာ ပျော်နေခဲ့တာ။  

စုပ်တသပ်သပ်မဟုတ် .. တရှိုက်မက်မက် 

ကိုယ့်ဖျာကို ခင်း ခဲ့ ..

ပွဲ က သူလည်း ငါတို့ပဲ .. 

ပွဲ ကြည့်သူလည်း ငါတို့ပဲ .. 

ကိုယ့်ဇာတ်ကို ရေးကြပြီး ... 

ငါတို့ ၂ ယောက် အကယ်ဒမီရတဲ့ ည ။ 

ငါတို့ ...  

တစ်ယောက်ကို တစ်ယောက် .. တင်းတင်းဖက် 

ငို ခဲ့ကြ .. ပြုံးခဲ့ကြ .. ပျော်ခဲ့ကြ

အရေခွံခြင်း ဖလှယ်ခဲ့ကြ။ 

ရနံ့တွေက စိတ်စေရာ ဆို

အဲ့ကျော့ကွင်းထဲ ဂျွန်းထိုးဆင်းတဲ့  

မြွေ ၂ ကောင် .. ခုန်ပေါက် က ကြ   

တစ်ယောက်ကို တစ်ယောက်ရစ်ပတ်

အောင်လံထူခဲ့

အဲ့ည .. မိုးကြိုး ၃ ချက်ပစ်တယ် 

ထန်းရွက်နဲ့ ကာလည်း 

သေခဲ့တာပါပဲ ။ 

တစ်ချိန်ကကျွန်တော်